Přepis regestovaného dokumentu

Civitati Wratislaviensi.

Unsern willigen dinst zuvor. Ersame und weisen hern, unsere gunstigen lieben edlen als wir euerer eren itzund zwir noch einander von Paul Huntz und herrn Beneschen von Waldenstein leute wegen, die ir hingenommen habt, als man sagt, geschriben und vormeldes haben, das derselb herr Benesch all diese krig nie an der ketzer teil, sonder an unsrer herrn kuengs und margraffen teil gewesen ist, nuczen hieler, auch wie der vermelte Paul Hunt, dem got gnad, nu langzeit unser mitwoner gewesin und sich je frumlich und getreulich gehalden hat, sich als ein frum man under uns und mit erbern leuten generund und betragund, das wir von im anders icht erkant haben, vernemen wir auch, wie ir auch den guten knecht Pirochzel, unsern furman auch habt hingenomen, der beider gut und hab ir dorzu haldent und in relicher mainung uns und den unsern das von euer ersamkeit geschicht, do mogen mir nicht erkennen, wenn uns uf solche unsre zuschreibung und sulcher obgemelter haltung, die vil kristenlichen frumen herrn, steten und leuten kund und wissentlich oft, von euer erbarkeit kein antwort gegebin ist, das wir nicht vernemen mogen, worumb ir unsere leut wo totet und iren hausfraun, armen witwen, und iren underczogen waisen dorzu ir gut, das in doch pollich volgen sol, von rechten wegen, ab sie um den tot verschuldet hetten, furhaldet. Dorumb wir noch euere vorsichtikeit besuchen betund, uns die soch ires todts und des putes hempnung noch zu vormelden, wann was den unsern sulchs invoschulter sachen suchen, verungmpt euere weisheit selbs, des uns den armen leuten und iren ihren und armen waisen gar kurz gucheen, werdes wir uns rechten wegen vor unsern epemelten gnedigen herrn kunigs z margraffen gnaden und andern fursten herrn und allen frumen leuten derklagen und dofur gedenken musten. Datum feria secunda ante dominicam Palmarum.