Přepis regestovaného dokumentu

Ich Chunrat von Hermansgrün und ich Kaspar Tannberg bekennen, als wir in des hochgeborn fursten herczog Albrechts, herczogen ze Österreich etc., unsers genedigen herren dinst zu der Igla in seinem sold gelegen sein und daselbs etbevil scheden emphangen haben, daz uns derselb unser genediger herr von der obgeschriben scheden wegen, die wir uncz auf hewtigen tag genommen haben, wie die genant sein, ein gancz benügen getan und unser igleichen darumb erberleich ausgericht und beczalt hat ein summ gelts, daran uns wol benuget hat. Darumb geloben wir, daz wir von der obgenanten scheden wegen hincz dem obgeschriben unserm genedigen herren herczog Albrechten, seinen lannden und le^awten furbaser dhain zusprach noch vordrung nicht mer haben sullen noch wellen in dhainerlay weys an geve^ard, mit urkund des briefs besigilten mit meinem des obgenanten Chunraten von Hermannsgrün aufgedrukchten insigil und mit meinem des obgeschriben Kaspar Tannberg aufgedrukchtem petschad, wann ich zu disem mal mein insigil bey mir nicht gehabt hab, darunder wir uns verpinden mit unsern trewn an geve^ard, alles das ste^at ze halden, daz oben an dem brief geschriben stet. Der geben ist ze Wienn an phincztag vor Letare in der vasten anno Domini etc. vicesimo tercio.

Yedem ist ausgericht XX guldein, facit XV tal. den.