Přepis regestovaného dokumentu

In causa, que vertebatur inter magistros collegii Omnium Sanctorum ex una et Michaelem de Luthomyssi nec non conthoralem ipsius parte ex altera occasione vinee dictorum magistrorum per dictos Michaelem de Litthomyssl et eius conthoralem a magistris prefatis antea convente seu conducte magister civium et consules iurati Maioris Civitatis Pragensis auditis ambabus partibus predictis cum ipsarum proposicionibus et replicacionibus, necnon munimentis litterarum et proscripcionum inter dictas partes hincinde factis et in libro civitatis prefate proscriptis diligenter trutinatis cuasa inter prefactas partes se vertente: prius bene et mature discussa et ruminata, per modum et viam diffinitive sentencie inter partes prefatas tunc in pleno consilio comparentes et assistentes taliter pronuncciaverunt, mandantes scilicet, quatenus antedicti Michael et conthoralis sua cum heredibus et successoribus suis supranominatos magistros et eorum successores de cetero non impetant prefate vinee occasione modo aliquo excogitato seu excogitando, nec eciam ipsos magistros, seu ipsorum familiares verbis detractoriis aut aliis quibuscunque dehonestacionibus diffament per se, vel per alias personas intermedias, quinpocius ipsos quietos et pacificos dimittant tempora per futura. Si autem quid absit secus feceruit, ex tunc eo ipso pene per scabinos, qui pro tempore fuerunt, infligende subiacebunt. Actum pleno in consilio anno ut supra feria IIII ipso die sancti Othmari presentibus Iancone ab argentea stella pro tunc magistro civium, Mathia Smolarz, Hedwica sartore, Mathia a pectines, Sdencone candelatore, Barthossio pannifice et certis consulibus.