Přepis regestovaného dokumentu

Ersam, fursichtig, weis, besunder lieb Freunde! Unser willig dinst sein ewer lieb und freuntschaft voran berait. Lieben Freunde! Wir haben vernommen, wie der allerdurchleuchtigist Furst und Herre, Herr Sigmund, Römischer Konig et cetera unser genadigister Herre in Kurcz zu ew gein Eger schull komen. Biten wir ewer lieb und freuntschaft mit vleisse, das uns ewer weisheyt in guten geheim verschriben wissen lazz als vil ew fuglich ist, warumb er yczund herein chom, und was man sich künftiklich vorsech, und wie es noch umb die hussen und Wikleffen ain gestalt hab, da tut ir uns sunder lieb und dienst an, als wir das gein euch gern täten, wann ir umb solich sach zu uns sendet und wellen das hin für williklich umb ewer weisheit und umb all die ewern verdienen, wo sich das gepuret in solchen, ader in merern sachen. Datum in die Circumcisionis Domini anno et cetera vicesimo primo.