Král Zikmund (Sigismundus dei gracia Romanorum rex) povoluje hejtmanu města Uherského Hradiště (capitanei ciuitatis nostre Hradyschye vocate) Ladislavovi z Ludanic (Ladislai), synu Petra (filii Petri) a vnuku Synka z Ludanic (filii Synka de Ludan), s ohledem na jeho věrné služby a zejména pro vytrvalou, opakovanou a úspěšnou obranu města Uherského Hradiště a několika hradů (in tuicione et conseruacione pretacte ciuitatis nostre Hradyschye ac nonnullorum castrorum nostrorum et aliarum municionum) v Markrabství moravském (in dicto marchionatu Morauie) před kacířskými husity (huzitis hereticam), postavit na rodovém panství (in dicta possessione Ludan) v Nitranské župě (in comitatu Nitriensi) kamenný hrad nebo tvrz (castrum lapideum municionemque seu fortalicium ex lapidibus).
Přepis regestovaného dokumentu
Nos Sigismundus dei gracia Romanorum rex, semper augustus ac Hungarie, Bohemie, Dalmacie, Croacie et cetera rex memorie commendamus tenore presencium significantes, quibus expedit, universis. Quod nos attendentes inuiolabilem fidei puritatem fidelis nostri dilecti egregii Ladislai, filii Petri filii Synka de Ludan, capitanei ciuitatis nostre Hradyschye vocate terre marchionatus Morauie, quam ad nos feruenter dinoscitur habuisse, necnon grata seruicia eiusdem, que ipse in cunctis nostris et regni nostri negociis sicuti prosperis sic et aduersis locis et temporibus opportunis et signanter in tuicione et conseruacione pretacte ciuitatis nostre Hradyschye ac nonnullorum castrorum nostrorum et aliarum municionum in dicto marchionatu Morauie existencium huzitis hereticam prauitatem nunc in dicto regno nostro Bohemie proh dolor pulutantem fouentibus se cum suis non sine expensarum suarum pluritate variis sepeuicibus opponendo nostre exhibuit maiestati feruidaque auiditate impendit, racione quorum a nobis multo maiora mereretur, in peculiarem tamen premissorum suorum seruiciorum recompensacionem eidem graciose annuimus et concedimus plenamque et omnimodam prebemus potestatis facultatem, ut ipse in loco castelli seu fortalicii sui in dicta possessione Ludan in comitatu Nitriensi existenti habiti castrum lapideum municionemque seu fortalicium ex lapidibus construere et ordinare et omni modo leuare constructumque ordinatum et eleuatum ipse et sui heredes et successores uniuersi in perpetuum tenere, gubernare et possidere valeant atque possint ex presenti nostre maiestatis annuencia et concessione speciali. Datum in Wyssegrad feria quarta proxima ante festum visitacionis virginis gloriose, anno domini millesimo quadringentesimo vigesimo quinto, regnorum nostrorum anno Hungarie et cetera tricesimo nono, Romanorum quintodecimo et Bohemie quinto.