Přepis regestovaného dokumentu

In nomine Domini amen. Nos Nicolaus Dei gracia abbas monasterii sancte Marie virginis in Waltsassen, ordinis cisterciensis, Ratisponensis diocesis, ad universorum Christi fidelium tam spiritualium quam mundanorum cuiuscumque status, dignitatis, ordinis, preeminencie, gradus et condicionis extiterint ad quos presentes pervenerint deducimus noticiam, quod constituti personaliter coram nobis prudentes et circumspecti viri magister civium, consules, iurati opidi in Egra dicte Ratisponensis diocesis suo et tocius communitatis nomine quasdam litteras serenissimi principis et domini domini Ludovici felicis memorie divina providencia sacri Romani imperii regis in wlgari theotunico scriptas sigillo eiusdem regie maiestatis magno rotundo de cera alba communi in pressula pargameni pendenti sigillatas nobis exhibuerunt et presentaverunt, quas vidimus et legimus sanas et integras non abolitas, non rasas, non cancellatas, non viciatas, non corruptas nec in aliqua sui parte suspectas sed omni vicio et suspicione carentes, petens per nos dictas litteras inscriptis redigi, transcribi et transsumi mandari, ut eisdem litteris tam in iudicio quam extra tamquam litteris originalibus prenominatis plena et credula adhibeatur fides, quorum quidem magistri civium et cosulum, iuratorum peticionibus tamquam iustis et racionabilibus favorabiliter annuentes et inclinati auctoritate iuris suffulci memoratas litteras in scriptis redigi, transcribi et transsumi fecimus et mandamus, ita videlicet, quod in huiusmodi transumpto nil addatur, nil minuatur quod sensum mutet vel variet intellectum, quarum litterarum imperialium tenor per omnia sequitur et est talis: Wir Ludwig ... Verum quia sollerti ausculcacione de presenti transsumpto ad litteras originales facta comperimus huiusmodi transsumptum cum dictis litteris originalibus per omnia concordare. Ideo in evidentem fidem et testimonium omnium premissorum presens transsumptum fieri fecimus et sigilli nostri appensione iussimus comuniri. Datum et actum in Egra anno Domini millesimo quadrigentesimo tricesimo primo, die penultima mensis Februarii.