Přepis regestovaného dokumentu

Hannus von Hockinborn ad senatum Gorlicensem. Libin nockeber, also ich uch eyne vart, dy ander, dy dritte antwort geschrebin habe uff euwir briffe et cetera und dobey uch gebeten, mir mit demselben herzogen eynen tag vor uch zu legen in dem betedingeten frede, den ir zwischen uns getedinget und gemacht hattet, mich mit em gerne habe wollen lossen irkennen umb solche brüche, als derselbin zeit eueris fredes, das hot mir biss an dese zeit ny noch geschen noch wederfaren et cetera, welch teil den frede nicht hilde, das ir dem andern theyle helffen solt et cetera. Bin noch euerem geheiss mit den euern in das felt gerieten. Do wir wedir quomen, habit ir mir gesagit, wie ir uch wolt bewart haben mit eyme anslage zu setzen, damite ir meyn und ander desto bas mocht abegerichten. Nu were wir uch so kurtz wederkommen, das ir das nicht hett mocht geenden noch keyn mir thun, also ir gerne thun welt, und gobit mir 3 schock off das mol, und bot mich mir uff dissmol nicht lossen zuvorsmehen et cetera. Geben uff dem Romunde.