Rychtář Ondřej (Andreas iudex), purkmistr Jan (Johanco pro tunc magister ciuium) a Prokop Fegal (Procopius Fegal), konšelé a měšťané Plzně (iurati consules et ciues ciuitatis Nowe Plzne) dosvědčují, že Petr Kabelec (Petrus Kabelecz), jejich měšťan, řádně odkázal svůj majetek na domě, který leží mezi domem Václava z Chotíkova (inter domos Wenceslai de Chotikow ex una) a klášterem (monialium parte ex altera); z nějž prodává 1 kopu grošů pražských ročního platu (unam sexagenam grossorum bonorum pragensium census annui), splatných vždy po ½ kopy (mediam sexagenam grossorum) na svatého Havla (in proxima die sancti Galli) 16. října a svatého Jiří (in festo sancti Georgii) 23. dubna, dominikánskému klášteru (conuentui fratrum predicatorum ordinis sancti dominici), aby se modlili 4 vigilie ročně a na mších (quatuor anniuersaria in vigiliis et missa) za spásu duše Ondřeje řečeného Strhla z Přívětic (Andree dicti Strhla de Prziewieticz). Pokud by jeho dědici a následovníci částku v roce neuhradili, může klášter vymáhat jeho náhradu.
Přepis regestovaného dokumentu
Nos Andreas iudex, Johanco pro tunc magister ciuium, et Procopius Fegal, iurati consules et ciues ciuitatis Nowe Plzne, tenore presencium recognoscimus universis et singulis testificantes, quod prouidus vir Petrus Kabelecz, noster conciuis, coram nobis ac pleno consilio personaliter constitutus recognouit, se, heredes et successores suos et possessores sue domus, site in nostra ciuitate inter domos Wenceslai de Chotikow ex una et Monialium parte ex altera, in et super eadem domo et eius area ac in omnibus bonis suis, mobilibus et inmobilibus habitis uel habendis, unam sexagenam grossorum bonorum pragensium census annui et perpetui pro decem sexagenis pretecte monete vere vendicionis titulo vendidisse religiosis fratribus, priori et toti conuentui fratrum predicatorum ordinis sancti dominici, in nostra ciuitate habitancium. Quas quidem decem sexagenas grossorum racione testamentalis pecunie pro anima famosi Andree dicti Strhla de Prziewieticz delegatas, recognouit se pretactus Petrus Kabelecz recepisse, quam quidem sexagenam grossorum predictus Petrus Kabelecz promisit bona fide dare et eius heredes et successores tenentur et debent ipsis, priori et fratribus prefixis, singulis annis a data presencium continuis et perpetuis temporibus diuisim censuando soluere, videlicet incipiendo in proxima die sancti Galli mediam sexagenam grossorum et in festo sancti Georgii deinde proxime affuturo similiter mediam sexagenam grossorum. Pro quo tamen censu ipsi sepetacti fratres perpetuis temporibus quatuor anniuersaria in vigiliis et missa pro anima ipsius Andree dicti Strhla et in remedium animarum antecessorum suorum singulis annis perpetue sine intermissione cum scitu commissariorum debent peragere. Et non dato censu cuiuscunque dictorum terminorum termini quocunque anno, mox antedicti fratres plenam habent et habere debent auctoritatem predictum Petrum Kabelecz, heredes et successores suos prenotate domus auxilio iudicis et iuratorum tunc temporis in nostra ciuitate existencium in iamdicta domo in aliisque bonis suis, ubicunque situatis et repertis, impignerandi et recepta pignera atque ipsam domum inter christianos siue iudeos obligandi uel vendendi et taliter non solutum censum ad plenum conquirendi sine omni iudicii strepitu et querele, hoc tamen expresso, quod si prefatus Petrus Kabelecz aut eius successores in aliis certis et tam equiualentibus bonis cum matura deliberacione et consensu predictorum fratrum unam sexagenam grossorum census perpetui pro decem sexagenis dictorum grossorum et non remissius comparauerit et mora censu penitus liberi et soluti et qui hanc literam habuerit de voluntate sepedictorum fratrum, eidem competit ius omnium premissorum. In quorum euidens testimonium et robur valiturum sigilla nostra propria de certa nostra sciencia ad peticionem ipsius Petri Kabelecz sunt appensa. Datum et actum anno domini millesimo quadringentesimo tricesimo secundo, in vigilia sancte trinitatis.