Přepis regestovaného dokumentu

Sigismvndvs dei gratia Romanorum rex semper augustus ac Vngariae, Bohemiae, Dalmatiae, Croatiae et cetera rex notum facimus tenore presentium vniuersis, quod licet alias quadam ardua necessitate constricti ad resistendum peruersis conatibus et machinamentis haereticorum in Bohemia ualide consurgentium, qui etiam suae immanitatis rabie fideles dei Christicolas tam morti tradentes atrociter quam in bonis funditus spoliantes, ecclesias dei demolientes, adeo debachati sunt et adhuc in sua pertinacia perdurantes nomen Christianum etiam hodie conantur extinguere penitus non parcentes sexui vel aetati, bona ecclesiastica tam Pragensis ecclesie quam etiam aliarum ecclesiarum, monasteriorum et parochialium, cuiuscunque etiam conditionis existant, tunc certis personis proscripserimus et dederimus possidenda, sicut etiam bona monasterii Aule Regie ordinis Cisterciensis nos fecisse praeterito tempore memoramur Nos sentientes huiusmodi donationem et alienacionem bonorum ecclesiasticorum in personas seculares quacunque occasione seu conditione factas tam a legibus quam canonibus fore irritas et innanes, nec debere subsistere seu ualere, non per errorem aut improuide sed animo deliberato maturo omnium electorum sacri Romani imperii et aliorum multorum principum, comitum et communitatum imperii sacri et regni Bohemie communicato consilio praefatam donacionem et alienationem de possessionibus monasterii praefati quibuscunque personis quacunque occasione, tondicione seu colore factas authoritate Romana et Bohemiae regia tenore praesencium reuocauimus, irritavimus, annullavimus, revocamus, irritamus, annullamus et nullius dicimus pronuncciamus et declaramus debere fore roboris uel uigoris, decernentes et uolentes, quod honorabilis abbas monasterii Aulae Regiae una cum conuentu suo etiam authoritate propria assumptis sibi ad hoc, si opus fuerit, suis fautoribus et amicis se de eisdem bonis sui monasterii omnibus et singulis, ubicunque fuerint etiam constituta, debeat et possit intromittere, tenere, utisfui et absque impedimentis cuiuscunque, etiam nostras literas habentis, seu alias cum uiolentia possidentis, ac eciam sibi pro recuperacione eorundem bonorum tutores defensiores et adiutores eligere et recipere pro suo commodo, quociens sibi visum fuerit expedire. Praesentium sub nostra maiestatis sigillo testimonie litterarum. Datum Nurembergae anno Domini millessimo quardringentesimo uigesimo secundo dominico proximo ante festum sancti Bartholomaei apostoli regnorum nostrorum anno Vngarie et caetera tricesimo sexto, Romanorum duodecimo et Bohemie tercio.