Dvorský soud vydává provolací list, v rámci proklamačního řízení, na odumřelý poplužní dvůr ve vsi IDSvěticích (in Swieticzi curia arature) a IDBřečťanech (in Brzesstianech curia arature) s poli, s loukami, s lesy, s řekami a se vším co k tomu dvoru přísluší (cum agris, pratis, silvis, rivis et omni libertate ad ea pertinente), jejichž zesnulými majiteli byli IDSwab (Swab) a IDBořita (Borzita); pokud nikdo nevystoupí se svými nároky, spadá uvedený majetek na královskou komoru (ad dominum imperatorem velut Boemie regem legittime sunt devoluta).
In villis Swieticzi et in Brziesstianech Borzita et Swab patruelles decesserunt. Quorum bona et hereditates omagialia, videlicet in Swieticzi curia arature post mortem Swab et in Brzesstianech curia arature post Borzitam cum agris, pratis, silvis, rivis et omni libertate ad ea pertinente ad dominum imperatorem velut Boemie regem legittime sunt devoluta. Littera proclamacionis anno et cetera XXXVII feria II ante visitacionem sancte Marie in Pontem emanavit.
Nemo defendit infra terminos proclamacionis.
Item anno ut supra feria II post nativitatis sancte Marie in et super bona et hereditates, in villa Swieticzi super curiam arature post mortem Swab predicti, quantum ibi habuit, in Rzeteniczich, quantum ibi habuit, et in Vgezdczi, quantum ibi habuit, et super bona et hereditates post mortem Borzite in villa Brzestianech, curiam arature et quantum ibi habuit, prenominati Henricus Cablenecz et Nicolaus de Crussowicz, servato et cetera servato iuris ordine, per Henricum camerarium et nunccium specialem ad hoc deputatum auctoritate tocius beneficii inducti sunt pleno iure. Et taxata sunt ipsis predicta bona per eundem camerarium in centum sexagenis grossorum ad verum ius hereditarium similiter pleno iure. Relacio omnium beneficiariorum. Actum ut supra.
Item feria V post nativitatem sancte Marie Martinus de Zelenek loquitur contra inductum predictum et specialiter post Swab in villis Swieticzi et in Vgezd, dicens hereditates ibidem esse suas hereditarias et dicens se nichil scivisse nec audivisse de proclamacione. Et super hoc trahit se ad iudicium baronum. Terminus sibi in crastino Jeronimi. Non detur littera tuicionis nisi de mandato dominorum baronum.
Videm in libro obligacionum H XII, ubi: Johannes natus olim Henrici Cablencz et cetera.
Item Fridericus, natus olim Henrici Cablenecz, protestatus est coram beneficiariis curie, quod de omni iure suo, quod sibi ad presentem devolucionem competere potest post Henricum de Jansdorff patrem suum racione unionis predicte, ipsi Henrico Cablencz dicto purgrabie de Gilnicz, patrue suo, condescedit plene et in toto. Actum anno domini MCCCCXLV feria ante Gregorii pape.
Serenissimus princeps et dominus dominus Sigismundus Romanorum imperator et Boemie rex de plenitudine potestatis sue dedit et dare potuit ac in feodum cencessit prefatam devolucionem, quantum ibidem habet iuris, Henrico Cablenecz dicto purkrabie de Gilnicz et Nicolao de Crussowicz pro serviciis ipsorum graciose. Nunccius ad tabulas nobilis Albertus Coldicz iudex curie supremus.
Henricus Cablenecz purgravius de Gilnicz, qui ius regium prosequitur, protestatus est coram beneficiariis, quod super presenti devolucione in Swietczi, Brzestianech, in Vgezd et in Rzeteniczich, porcione sua tantum, Henricum Cablencz de Jansdorf patruum suum in veram suscipit unionem, ita quod fecit eum ipsarum hereditatum, porcionis sue tantum, verum unitorem et cetera.