Koncil v IDBasileji (Sacrosancta generalis Basiliensis synodus in spiritu sancto legitime congregata) oznamuje všemu lidu do IDČech (uniuersis viris ecclesiasticis, nobilibus et toti populo regni Boemie, unitatem et pacem in Christo Ihesu domino nostro), že poslové sboru, který se nedávno vrátil z IDChebu (ex opido Egre), oznámili vzájemnou dohodu, jež vzbudila v celém sboru velkou radost. S nadějí tak vzhlíží k Bohu a děkují mu, neboť se blíží tolik vytoužený mír. Koncil schválil způsob bezpečného průvodu i všechny jiné podmínky, na nichž se poslové koncilu s Čechy v IDChebu (in Egra) smluvili. Koncil ze svého středu vybral IDJana z IDMaulbronnu (Johannem de Mulembron, unum ex nunciis nostris), kterého vyslal ke IDkráli Zikmundovi (regem Romanorum), aby u něho vymohl záruky bezpečného průchodu pro české posly. Z toho důvodu je rovněž napomínají a prosí, aby jednání nestáli v cestě ale namísto toho se do něj zapojili. Oznamují, že plně důvěřují tomu, že dojdou ke konečné dohodě a sjednocení věřících pod ochranou Matky církve, a přestože se tak ještě nestalo, Duch svatý jim vložil do srdcí naději. Nadchází tedy doba, kdy mají odložit vše, co je rozdělovalo.
- Palacký 1894-III, s. 460‒461.
- Hofman 1901, s. 302.
- Macek 1951, s. 240‒242 .
- Macek 1953, s. 142‒145.
- Bělohlávek a kol. 1965, s. 81‒82.
- Bartoš 1966, s. 113.
- Macek 1973, s. 179.
- Bělohlávek 1982, s. 42.
- Molnár 1983, s. 24‒28.
- Kaňák 1983, s. 89‒93.
- Kubů 1983, s. 117‒119.
- Šmahel 1993-III, s. 252.
- Kavka 1998, s. 167‒168.
- Čornej 2000, s. 557‒565.
- Jánský 2001-II, s. 94‒97.
- Šmahel 2001, s. 446.
- Kaňák 2002, s. 109-157.
- Šmahel 2002-II, s. 1542‒1543.
- Wasková-Douša 2014, s. 202.
- Coufal 2020, s. 110‒117.
Sacrosancta generalis Basiliensis synodus in spiritu sancto legitime congregata, uniuersalem ecclesiam representans. Uniuersis viris ecclesiasticis, nobilibus et toti populo regni Boemie, unitatem et pacem in Christo Ihesu domino nostro. Pridem oratores nostri ex opido Egre ad nos reuersi et ibidem cum vestris nunciis conclusa seriose referentes magno gaudio hanc sanctam synodum repleuerunt. Asserunt enim cum tanta caritate et mansuetudine hoc sacrum unionis negotium fuisse tractatum, ut non aliud existimemus, quam spiritum sanctum pacis et unitatis auctorem in medio interuenisse. Concipimus ex his, que referunt, magnam spem future unionis et indissolubilis inter nos caritatis, pro qua re, sicut dictum est, ipsi spiritui sancto, cuius munere hoc factum esse non dubitamus, gratias ex toto corde retulimus, helemosinas jeiuniaque et orationes sollennes indiximus et ubique usque ad rem optato fine conclusam indici faciemus, laudauimus et benediximus dominum, qui tam letam nobis prebuit diem, qua nullam uc sensimus letiorem, postquam hunc locum attigimus, parari enim semitam uidemus ad magnam dei gloriam et grandem populi christiani profectum. Nemo nostrum fuit, dum ipsi oratores singula uobiscum acta recensebant, qui uel oculis uel corde non flerat; commouebantur inusitato gaudio uiscera audientium rem tam concorditer fuisse conclusam sperantiumque post hanc, aliam multo letiorem diem adhuc successuram. Exultemus igitur et jubilemus inuicem deo salutari nostro, qui recordatus misericordie sue incipit plebem suam tanta cum leticia uisitare; leuemus manus nostras ad celum glorificantes dominum nostrum Ihesum Christum, quia pacem, quam cotidie diebus nostris ecclesie dari petimus, iam appropinquare uidemus. Magnificemus spiritum paraclitum, qui animos paulo ante dissidentes in hanc spem pacis repente conuertit; sed si pro hac spe tantum gaudii suscepimus, quam magna et inenarrabilis erit illa leticia tam nostra quam vestra, quando optatum pacis et unitatis finem re ipsa intuebimur. Ut autem cognoscatis, quantum hec res nobis est cordi, ipsis nostris nunciis in communi congregatione auditis, formam salui conductus et ea, que cum vestris ambassiatoribus concluserunt, hec sancta synodus unanimi omnium consensu approbauit, et ecce ipsum saluum conductum in publica sessione decretum, quem admodum in Egra condictum fuerat, ad uos destinamus. Misimus etiam, ut nichil ex parte nostra desit, fratrem Johannem de Mulembron, unum ex nunciis nostris, qui in Egra fuerant, ad serenissimum principem, dominum regem Romanorum, ut ab eo saluum conductum in ea, quam optatis, forma, obtineat, quem ut primum habuerimus, ad vos sine mora transmittemus, parati semper omnia agere, que pro vestra tutela et libera audiencia necessaria uidebuntur. Utinam, sicut fas nobis est, verba exprimere, ita mentes nostras in publicum exhibere possemus. Utinam sicut hanc epistolam lecturi estis, ita corda nostra palam inspicere possetis, procorpore abfecto non dubitamus, quin cognita nostra in uos summa caritate mox sine ulteriori tractatu in unitate spiritus connecteremur, et quum saluatoris nostri sententia est, non qui inceperit sed qui perseuerauerit usque in finem, hic saluus erit; vos omnes per spiritum sanctum huius sacri negotii directorem hortamur et obsecramur, ut quemadmodum rem istam feruenter inchoastis, ita firmiter, constanterque usque ad vere unionis complementum perseueretis. Speramus in Christo Ihesu uidere diem et iam forte prope est, quo alter alterum fraterna caritate nos inuicem complectemur et unanimes in eadem sancte matris ecclesie domo cum iocunditate perpetuo habitabimus; confidimus in domino tantam adhuc inuicem futuram dilectionem, ut nullum inter nos fuisse olim dissiduum uideatur. Et quanquam nondum hec sancta unio, pro qua laboramus, completa sit, tamen ipse spiritus sanctus tantam huius rei spem et affectum cordibus nostris impressit, ut quod futurum est, iam quodam modo in foribus adesse credamus. Vos sentes estis, sed ob hanc spem in visceribus caritatis et uinculo uere dilectionis, quasi presentes amplectimur, et pre gaudio nos ipsi flentes vos tenerrime osculamur, Iam igitur quasi arram proxime mutue unitatis pepigisse uidemur et uos dudum futuros nostros dilectissimos fratres, jam esse existimamus, talia enim ipse spiritus sanctus initia dedit, ut non aliud quam pacem, caritatem et unitatem hinc contingere speremus, leto ergo animo utrimque simus et iocunda mente inuicem uiuamus cum prope in januis gaudium, quod nemo tollet a nobis per spiritum sanctum accepturi simus; sed ut citius faciliusque consequamur, uigilemus supplices in orationibus et continuis precibus dominum nostrum Ihesum Christum deuote exoremus, ut quod operari incipit, confirmet atque perficiat, hora iam est, ut sancta mater ecclesia, que pro tam diro filiorum suorum dissidio diu contristata est, pro pace et unitate letari et exultare incipiat luctumque preteriti temporis conuertat in gaudium. Tempus jam advenit, ut qui eodem Christi caractere insigniti sunt et eodem baptismatis fonte renati, deposita omni dissencione eundem caritatis et unitatis spiritum induant et ad augmentum gloriamque nominis christiani totis viribus intendant, fidemque orthodoxam protegere curent, quam infideles pagani multis in locis ignominose pessundant et extinguere moliuntur. Eya igitur cum nostre dilectionis et sincere voluntatis jam certi sitis amodo vestros legatos preparate, quales in primis literis postulauimus, ut cum legius saluus conductus aduenerit, cum pleno mandato ad hoc sacrum concilium proficiscantur, quos ita grate benigneque suscipiemus, ut a parentibus filii suscipi consueuerunt, spiritus sanctus paraclitus, in cuius nomine hec sacra synodus congregata est, nobis et uobis et toti populo christiano hic ueram dilectionem et pacem ac in futuro seculo uitam eternam donare dignetur, qui cum patre et filio regnat in secula amen. Datum in sessione publica eiusdem sancte synodi in ecclesia maiori Basiliensi celebrata XII. kalendas julii, anno domini millesimo quadringentesimo tricesimo secundo.