Císař IDZikmund (Sigismundus) potvrzuje a obnovuje rychtáři, konšelům, přísežným a všem měšťanům města IDLouny (Luna), s ohledem na jejich prosby, inserované listiny krále IDJana (litteras … Iohannem, regem Boemie ac Lucemburgensem comitem), týkající se ungeltu:
1. Král IDJan povoluje městu IDLouny vybírat ungelt k opravě města. Dat. 1335, IDPraha (Prage)
2. Král IDJan povoluje městu IDLouny pokutovat formany objíždějící město. Dat. 11. června 1336 IDPraha (Prage)
IDZikmund prohlašuje tyto inserované listiny za věčně platné a zdůrazňuje, že měšťané IDLoun smějí vybírat ungelt pouze v přiměřené výši, jak bylo dosud zvykem.
- Vpravo na plice: Ad mandatum domini imperatoris IDPetrus Kalde prepositus Nortusensis
- Na dorsu uprostřed: Registrata IDMarquardus Brisacher
- A: originál; pergamen
- B: opis z 15. století v kopiáři města Louny
- C: vidimus purkmistra a městské rady městy Most z roku 1716
- D: prostý opis z 18. století
- A: SOA Litoměřice ‒ SOkA Louny; AM Louny; listina č. 28
- B: SOA Litoměřice ‒ SOkA Louny; AM Louny; knihy; sign. I B 6; fol. 15v‒16r
- C: SOA Litoměřice ‒ SOkA Louny; AM Louny; spisy; sign. L 1
- D: NA Praha; ČDK; inv. č. 759; sign. IV D 7; kart. 540
Sigismundus, dei gracia Romanorum imperator semper augustus ac Hungarie, Boemie, Dalmacie, Croacie etc. rex. Notum facimus tenore presencium universis, quod pro parte fidelium dilectorum nostrorum iudicis, scabinorum, iuratorum ac universitatis civium in Luna nostre magestati extitit humiliter supplicatum, quatenus ipsis infra scriptas litteras eorum predecessoribus per serenissimum principem quondam Iohannem, regem Boemie ac Lucemburgensem comitem, avum nostrum carissimum, super dacio seu ungelto datas et concessas approbare, ratificare, innovare et confirmare graciosius dignaremur. Quarum quidem litterarum tenor prime litere est talis: Iohannes dei gracia Boemie rex ac Lucemburgensis comes. Dilectis fidelibus suis iudici, scabinis, iuratis ac universitati civium in Luna graciam suam et bonam in omnibus voluntatem. Regalis mansuetudinis providencia subditorum curam gerens ad hoc precipue debet intendere, ut ea, que ad reipublice commodum et communem usum hominum cedunt, effectum incommutabilem sorciantur. Sane porrecta nobis pro parte vestra peticio continebat, quod cum undique in civitate vestra, que propter luti profunditatem et inmundiciam hucusque nonnullis difficilem prebuit transitum et humano conspectui nauseam generaverit, 1) ad ipsius decorem solempne pavimentum lapideum facere et instaurare duxeritis providendum, quatenus ad incipiendum et laudabiliter consumandum pavimentum huiusmodi ad hoc nostrum dignaremur prebere consensum, ut vos in subsidium eiusdem pavimentationis certum ungeltum seu dacium moderatum nec aliqualiter onerosum de universis rebus vendibilibus seu mobilibus ordinare et instituere valeretis. Nos itaque vestris tam iustis et tam rạcionabilibus benigniter inclinati supplicacionibus, vobis auctoritate regia concedimus et favemus, graciosius indulgentes, ut ad pavimentandam dictam civitatem vestram eamque, ubi reformatione indiguerit, meliorandam moderatum ungeltum seu dacium, per quod incole ceterique transeuntes ibidem notabiliter non graventur, de omnibus et singulis rebus vendibilibus seu mobilibus iuxta deliberationis seu provisionis vestre decretum in dicta civitate vestra instituere, firmare et ordinare possitis libere et inpune; duraturum tam diu, quoad vobis placuerit et prout vestre commoditati videbitur salubrius expedire, adicientes eciam, ut dictum ungeltum secundum deliberacionem vestram augere, minuere seu alias variare, semper tamen cum quadam moderatione, omnimode valeatis, non obstantibus statutis, ordinationibus, decretis, iuribus seu aliis provisionibus in contrarium editis vel factis quibuscumque, quibus omnibus quoad presentem nostram concessionem seu indultum esse volumus et intelligi penitus derogatum. Mandantes et firmiter precipientes universis subditis et fidelibus aliisque, quorum interest, quatenus contra prefatam concessionem nostram et graciam nichil debeant facere quomodolibet vel venire, indignacionem regiam et penam gravissimam irremissibiliter incursuri, quam pro usibus dicte civitatis applicari volumus, si quis contra premissa facto, sermone vel quouis alio ingenio presumpserit aliquatenus attemptare. In cuius rei testimonium presentes literas sigilli nostri munimine iussimus roborari. Datum et actum Prage anno domini millesimo CCC°XXX° quinto, feria tercia ante diem beati Thome apostoli proxima. Secunde vero littere tenor sequitur in hec verba: Iohannes dei gracia Boemie rex ac Lucemburgensis comes. Fidelibus suis dilectis iudici et iuratis civibus in Luna graciam suam et omne bonum. Cum alias vobis indulserimus, quod pro pavimento vestre civitatis et melioracione 1) ungeltum a curribus transeuntibus recipere deberetis, fidelitati vestre indulgemus, ymmo precipiendo mandamus, quatenus singulos vectores obliquas stratas pergentes et vestram non transeuntes civitatem impignorare et ad vestram civitatem coartare et ipsum ungeltum ab eisdem una cum pena seu emenda, quam meruerint, recipere nostro nomine debeatis. Harum nostrarum testimonio literarum. Datum Prage feria tercia ante festum beati Viti. Nos vero, qui quorumlibet fidelium nostrorum iusta petencium vota libenter amplectimur, animo deliberato sanoque principum, baronum nostrorum et regni Boemie fidelium accedente consilio et de certa nostra sciencia prefatis iudici, scabinis, iuratis ac universitati civium in Luna pro reformacione et melioracione eiusdem civitatis suprascriptas litteras et privilegia ac omnia et singula in eisdem contenta approbavimus, ratificavimus, innovavimus et confirmavimus graciose, approbamus, ratificamus, innovamus et tenore presencium auctoritate regia Boemie benignius confirmamus, decernentes expresse et volentes ea omnia obtinere roboris firmitatem; sic tamen, quod ipsi cives prefatum ungeltum moderatum ultra morem et consuetudinem hactenus racionabiliter in talibus ibidem observatam non aggravent, sed teneant moderate iuxta continenciam litterarum superius expressarum. Presencium sub nostre imperialis maiestatis sigillo testimonio litterarum. Datum Prage anno Domini millesimo quadringentesimo tricesimo sexto, sexta feria ante festum beati Martini, regnorum nostrorum anno Hungarie etc. quinquagesimo, Romanorum vigesimo septimo, Boemie decimo septimo, imperii vero quarto.