Ludvík de Garciis (Ludovicus de Garsiis), zástupce papežského auditora Juliána Cesariniho (Iuliani de Cesarinis), zakazuje míšeňskému biskupovi Janu Hofmanovi ze Svídnice a vratislavskému biskupovi Konrádu IV. Olešnickému a jejich zástupcům (Misnensi et Wratislaviensi episcopis eorumque in spiritualibus vicariis et officialibus generalibus), proboštovi u sv. Petra a Pavla v Budyšíně v míšeňské diecézi (preposito ecclesie sancti Petri Budisinensis Misnensis diocesis) a Štěpánovi ze Staňkova (Stephano de Stangkow), který je považován za děkana kapituly Všech svatých na Pražském hradě (pro decano ecclesie Omnium Sanctorum in castro Pragensi te gerens) a je zastupován Janem z Hradce Králové (Iohannem Gretz), děkanem kolegiátní kapituly v Kroměříži v pražské sic! recte: olomoucké diecézi (decanum ecclesie collegiate in Cremsir Pragensis diocesis), aby nic nepodnikali v kauze, která vznikla mezi Štěpánem a Vincentem, opatem cisterciáckého kláštera Altzella v míšeňské diecézi (Vincencii abbatis et conventus eiusdem monasterii Celle sancte Marie) zastupovaným tamním převorem Petrem Preussenem (Petrum Prusen, priorem monasterii Celle sancte Marie cisterciensis ordinis Misnensis diocesis predicte), a týká se klenotů a dalších cenných předmětů kapituly Všech svatých na Pražském hradě. Starocelský opat si totiž zvolil nového prokurátora, mistra Jana Ludvíkova Langkredera (magistri Iohannis Ludowici de Langkreder), a protistrana jej obvinila z absence při stání (non comparencium contumaciam accusavit). Ludvík proto nařizuje Janu Langkrederovi dostavit se v určeném termínu k dalšímu stání.
- mistr Jan z Werdy, notář kuriálního komorního soudu (magistri Iohanne de Werda … dicte curie causarum camere apostolice notariis)
- Jan Baliar, notář kuriálního komorního soudu (Iohanne Baliar dicte curie causarum camere apostolice notariis)
- Notářské signum písaře kuriálního komorního soudu Jana Brnystuna z Huesden, klerika utrechtské diecéze: Et ego Iohannes Brnystun de Huesden clericus Traiettensis diocesis publicus imperiali auctoritate curieque causarum camere apostolice notarius, quia predictarum literarum intimatoriarum et inhibitoriarum peticionem et decreto omnibusque aliis et singulis, dum sic, ut premittitur, fierent et agerentur. Una cum prenominatis testibus presentis interfui eaque sic fieri, vidi et audivi, ideoque presens publicum instrumentum manu alterius fidelis me aliis occupatis negociis scriptum exinde conferi et in hanc publicam formam redegi signoque et nomine meis solitis una cum appensione sigilli dicte curialis camere appostolice signavi rogatus et requisitus in fidem et testimonium omnium et singulorum premissorum.
- A: HStA Dresden; Ältere Urkunden; Orig. N. 6108.
- B: ANM Praha; fond C ‒ Muzejní diplomatář; sub dato.
- Vodička 2021.
- Vodička 2019, s. 79‒80, 114, 130, 199‒200.
- Vojtíšek 2020.
- Tříška 1981, s. 492‒493.
- Kadlec 1990, s. 27.
Reverendis in Christo patribus et dominis, dominis Dei et apostolice sedis gracia asserto deputato eiusque subdeputato, iudicibus assertis, quibuscunque nominibus censeantur, ac universis aliis et singulis iudicibus ordinariis, extraordinariis, delegatis, subdelegatis, executoribus, subexecutoribus ac commissariis quibuscunque, quacunque auctoritate fungendis per Misnensis et Wratislaviensis civitates et diocesis ac aliis ubilibet constitutis et presertim tibi, Stephano de Stangkow pro decano ecclesie Omnium Sanctorum in castro Pragensi te gerens, exadverso principali in causa et causis infrascriptis principaliter parti adverse, omnibusque aliis et singulis, quorum interest vel intererit, quosque infrascriptum tangit negocium seu tangere poterit quotlibet in futurum communiter vel divisim, Ludovicus de Garsiis, decretorum doctor, canonicus ecclesie Bononiensis, reverendi patris domini Iuliani de Cesarinis, utriusque iuris doctoris, domini nostri pape capellani et ipsius eiusque camerarii, necnon curie causarum camere apostolice auditoris generalis in officio auditoriatus huiusmodi locumtenens, salutem in Domino et mandatis nostris huiusmodi ynmouimus apostolicis firmiter obedire ac presentibus fidem indubiam adhibere. Noveritis, quod dudum suborta coram domino Iuliano auditore primo et deinde coram nobis Ludovico locumtenente prefatis inter honorabiles viros dominos Iohannem Gretz, decanum ecclesie collegiate in Cremsir Pragensis diocesis, supradicti domini Stephani de Stankow ex una et dominum Petrum Prusen, priorem monasterii Celle sancte Marie cisterciensis ordinis Misnensis diocesis predicte, venerabilium et religiosorum virorum dominorum Vincencii abbatis et conventus eiusdem monasterii Celle sancte Marie principalium hincinde procuratores, de quorum procuratorum procuracionum mandatis in actis dicte curie causarum camere apostolice tam coram domino Iuliano auditore, quam nobis locumtenente prefatis in huiusmodi causa habitis legitimis constabat, prout constat documentis de et super certis clenodiis aureis et argenteis ad dictam ecclesiam Omnium Sanctorum castri Pragensis assertive spectantibus, pecuniarum summis et rebus aliis et eorum occasione nominibus, quibus supra procuratoriis hincinde partibus ex altera materia questionis causaque et causis huiusmodi coram domino Iuliano auditore prefato inter partes predictas seu earum legitimos procuratores aliquandiu ventilatis et in eiusdem causa et causis ad nonnullos actus iudiciales citra tamen conclusionem rite et legitime processo et domino Johanne Gretz predicto aliisque procuratoribus domini Stephani de Stangkow principalis predicti, qui tunc fuerant in Romana curia pro eodem lite et causa, indecisis pendentibus ab eadem Romana curia absentatis, de quorum principalis et procuratorum absentia per nonnulorum testium coram nobis pro parte dictorum dominorum abbatis et conventus productorum, receptorum et in forma iuris iuratorum et examinatarum fidedigna testimonia sufficienter extitit edoctum. Tandem nos ad providi viri magistri Iohannis Ludowici de Langkreder in Romana curia et per dictum dominum Petrum Prusen priorem procuratorem constitutum ad hanc causam substituti causarum procuratoris prout de ipsius substituti procuratoris procuracionis mandato similiter in actis dicte curie coram domino Iuliano auditore prefato et nobis in huiusmodi causa habitis legitima extitit facta fides iudicialiter comparentis instanciam prelibatum dominum Stephanum de Stangkow ex adverso principalem omnesque alios et singulos sua communiter vel divisim interesse credentes ad videndum et audiendum litispendentes huiusmodi inter partes predictas coram nobis sibi et vobis omnibus et singulis supradictis intimari, necnon in causa et causis huiusmodi more solito inhiberi, literasque intimatorias et inhibitorias desuper neccesarias et oportunas extra Romanam curiam et ad partes in forma solita et consueta per nos decerni et concedi vel dicendum et causam, si qua haberent racionabilem, quare id minime fieri deberet allegandum per audientiam publicam literarum contradictarum domini nostri pape citavimus citarique mandamus et fecimus ad certum peremptorium terminum competents, videlicet ad diem et horam infrascriptas adveniendum, itaque die et hora antedictis comparuit iudicialiter coram nobis magister Iohannes Ludowici de Langkreder procurator predictus nomine procuratorio, quo supra, et quandam citacionem alias ab auditorio nostra emanatam et decretam et in audientia publica literarum contradictarum domini nostri pape predicta debite executam, signatam et sigillatam facto realiter et in scriptis obtulit atque reproduxit citatorumque in ipsa contentorum non comparencium contumaciam accusavit. Et in eorum contumaciam litispendenciam huiusmodi coram nobis, ut prefertur, vobis omnibus et singulis intimatis ac in causa et causis huiusmodi inhibetis literasque intimatorias et inhibitoris desuper neccesarias et oportunas extra Romanam curiam et ad partes in forma solita et consueta sibi decerni et concedi per nos instanter postulavit. Nos igitur Ludovicus locumtenens prefatus dictos citatos non comparentes neque huiusmodi dicti termino in aliquo satisfacere curantes, licet sufficienter expectatos reputavimus merito, prout erant iusticia suadenda contumaces in ipsorumque contumanciam attendendum requisicionem dicti magistri Iohannis Ludowici de Langkreder procuratoris fore iustam et consonam racioni quodque causis coram nobis indecisis pendendis nichil sit in partibus a quoque attemptandum seu innovandum ac volentes in causa et causis huiusmodi rite et legitime procedere et inter partes predictas equaliter servare et iustam dante Domino sententiam promulgare, ut tenemur auctoritate apostolica, qua fungimur, in hac parte vobis omnibus et singulis supradictis et vestrum cuilibet insolidum in causa et causis huiusmodi more solito inhibendum duximus, tenore presencium inhibemus, ne statim visis presentibus vos vel aliquis vestrum per vos vel alium seu alios, publice vel occulte, directe vel indirecte, quovis quam sito colore in causa huiusmodi in preiudicium dictorum dominorum abbatis et conventus principalium et iuris sui ac litispendentis ac iurisdictionis nostre huiusmodi ymmo verius apostolice vilipendium et contemptum aut dicti domini abbatis et conventus principales incensa indetrimentum et prejudicium vestrum seu alterius vestrum huiusmodi causa indecissa pendente quitquam innovare vel attemptare presumatis vel presumant aut presumat. Quod si secus factum fuerit, id totum revocare et in statum pristinum reducere curabimus iusticia mediante. Que omnia et singula necnon litispendenciam huiusmodi coram nobis, ut premittitur, vobis omnibus et singulis supradictis ac aliis, quorum interest vel intererit, quotlibet infuturum communiter vel divisim intimamus, insinuamus et notificamus ac ad vestrum et cuiuslibet vestram noticiam deducimus et deduci volumus per presentes, ne de premissis aut aliquo premissorum aliquam ignoranciam pendere valeatis seu alter vestrum valeat imposterum vel eciam quotlibet allegare. In quorum omnium et singulorum fidem et testimonium premissorum presentes nostras intimatorias et inhibitoris literas exinde fieri et per notarium publicum dicte curie camerarium camere apostolice in huiusmodi causa coram nobis scribam infrascriptum subscribi et publicari mandavimus sigillisque dicte curie, quo ad presens utimur, fecimus et iussimus appensionem communiri. Datum et actum Rome in ecclesia Marie rotunde pro audiencia causarum huiusmodi specialiter deputata nobis inibi mane hora causarum consueta ad iura reddendum pro tribunum sedeum sub anno a nativitate Domini millesimo quadringentesimo vicesimo octavo, indictione sexta, die Mercurii quintadecima mensis decembris, pontificatus sanctissimi in Christo patris et domini nostri, domini Martini divina providencia pape quinti anno duodecimo, presentibus ibidem discretis viris, magistri Iohanne de Werda et Iohanne Baliar dicte curie causarum camere apostolice notariis, testibus ad premisa vocatis specialiter et rogatis. Et ego Iohannes Brnystun de Huesden clericus Traiettensis diocesis publicus imperiali auctoritate curieque causarum camere apostolice notarius, quia predictarum literarum intimatoriarum et inhibitoriarum peticionem et decreto omnibusque aliis et singulis, dum sic, ut premittitur, fierent et agerentur. Una cum prenominatis testibus presentis interfui eaque sic fieri, vidi et audivi, ideoque presens publicum instrumentum manu alterius fidelis me aliis occupatis negociis scriptum exinde conferi et in hanc publicam formam redegi signoque et nomine meis solitis una cum appensione sigilli dicte curialis camere appostolice signavi rogatus et requisitus in fidem et testimonium omnium et singulorum premissorum.