Polský král IDVladislav II. Jagello (Wladislau et cetera) informuje krále IDZikmunda (Sigismundo dei gracia Romanorum regi semper augusto et Hungarie et cetera) o tom, že nedávno mu přinesl IDMikuláš II. Gorjanský (Nicolaum de Ganders) zvěsti o návratu IDZikmunda Korybutoviče (Sigismundi Corybuthi), který byl od dětství vychováván na polském královském dvoře a obdarován štědrými výhodami, do IDČech (in Bohemiam), a to navzdory učiněným přísahám, slibům a listinám (iuramentis, pollicitacionibus et inscripcionibus), kterými se zavázal, že se tam již nevrátí. Byl rovněž zpraven o tom, že se k němu přidala řada bojovníků (belligerorum), kteří byli najati pro tažení proti českým kacířům (hereticos de Bohemia). Nemůže ani vypovědět, jak moc kvůli tomu jeho srdce trpí. V současnosti není schopen tuto lstivost potrestat přímo, proto nařídil, aby města, městečka, tvrze, vesnice, platy a veškeré zboží, které mu a jeho následovníkům patří (civitates, opida, castra, villas et predia, census, salaria, que a nobis obtinebat, tam dicti Sigismundi quam suorum sequacium), bylo zabaveno. Zpravil o tom rovněž všechna knížata, hrabata, barony, šlechtice a všechny pravověrné křesťany (principes, comites, barones et proceres, omnesque fidei ortodoxe zelatores). Konečně žádá krále IDZikmunda, aby jím vyslané jednotky k ochraně víry a slávy všemohoucího Boha měly zajištěný volný a bezpečný vstup do IDČech, na IDMoravu, do IDSlezska a dalších míst, která jsou pod jeho správou (in Bohemia, Moravia, Slesia et alibi vestre fraternitati subiecta peteat).
- A: N/A
- B: BK PAN; Nr. 68; p. 285; aktuální uložení neověřeno
- C: ANM Praha; Sbírka C ‒ muzejní diplomatář; sub anno 8. 7. 1424.
- Pekař 1930-III, s. 249‒251.
- Bartoš 1938, s. 102‒107.
- Urbánek 1940, s. 296.
- Petrin 1982, s. 7.
- Šmahel 1993-III, s. 146‒147.
- Čornej 2000, s. 336‒337.
- Šmahel 2002-II, s. 1309‒1310.
- Tęgowski 2003, s. 84.
- Nikodem 2004, s. 322.
- Čornej 2019, s. 562.
Serenissimo principi domino Sigismundo dei gracia Romanorum regi semper augusto et Hungarie et cetera. Wladislaus eadem gracia rex Polonie et cetera salutem, fraternam caritatem et fidem indubiam recipere dicendorum. Serenissime princeps, frater noster carissime! Meminimus nuper vestre fraternitati per Nicolaum de Ganders secretarium nostrum dilectum murmura quorundam de regressu Sigismundi Corybuthi in Bohemiam nunciasse, quibus animus noster blandiri non curabat, cum ipse Sigismundus per nos ab infancia educatus, largis beneficiorum et premiorum munificentiis ultra omnes sangvinis nostri principes dotatus et iuraimentis, pollicitacionibus et inscripcionibus suis fortissimis nobis de non regressu in Bohemiam prestitis ligatus et astrictus fuerit. Et ecce nobis hic in remotis agentibus et alia circa expedicionem nostrorum fidelium belligerorum iuxta vota fraternitatis vestre et honestatem reipublice procurantibus et disponentibus, per certos nostros fideles sumus informati, quomodo ipse Sigismundus, salutis sue, beneficiorum nostrorum sibi impensorum et inscripcionum, iuramentorum immenior, unacum aliquibus regni nostri vasallis sibi adherentibus, de quibus nonnulli a nobis pro stipendiis contra hereticos de Bohemia iam multas pecunias receperant, quod dolentissime scribimus, ad Bohemiam sc convertit. De quo quantis cor nostrum torquetur affliccionibus, lingua carnis non sufficit enarrare. Sed quod luctum luctui addidit et lacrimas lacrimis cumulavit, quod tante oblivionis ipsum occupavit interitus, ut regna vestre fraternitatis paterna et avita, quorum nulli potuit accedere preter vos successio, iste Scita et barbarus propria excecatus demencia nititur vendicare. Quem in subita astucia non valentes aliter mulctare pro presenti, cum a conspectibus et potestate nostris sit remotus, omnes civitates, opida, castra, villas et predia, census, salaria, que a nobis obtinebat, tam dicti Sigismundi quam suorum sequacium, quamprimum suus nobis clamdestinus recessus innotuit, mox ipsa pro camera nostra iussimus infiscari, ut doloris nostri per hoc moderaretur gravitas et excessus temeritasque tanta in aliqua saltim parte pro hac vice puniretur; et nichilominus ad omnes et singulos principes, comites, barones et proceres, omnesque fidei ortodoxe zelatores nostras misimus literas, denudantes ipsius Sigismundi perniciosam, detestandam et abhominabilem in nos maiestatemque nostram commissam perfidiam, et requirentes eos, ut ipsi intuitu pietatis divine et ob reverenciam sacri Romani imperii velint prestare studium et operam, per que huiusmodi perfidie in tempore occurratur. Cui nos occurrere tanto perpensius intendentes, quanto strictiori fraternitatis vobiscum nexu colligamur, homines nostros armigeros, in fortitudine dextere divine versus Moraviam et Bohemiam ad persequendum eundem et suos quibus adheserunt complices transmisimus, qui angelo pacis comite inceptum iam continuant iter, et ad ea tam fideliter quam viriliter felicibus in domino auspiciis intendent, que sacrosancte ortodoxe fidei et glorie omnipotentis dei, cuius res agitur, prospexerint profutura. Verum ut eisdem belligeris nostris tutus, saluus atque securus ad civitates, dominia, castra et alia loca in Bohemia, Moravia, Slesia et alibi vestre fraternitati subiecta pateat, aditus et recessus, fraternitas vestra scribere et mandare dignetur eisdem, quatenus omni timore posposito, suspicioneque cessante, predictos nostros belligeros ad huiusmodi civitates, dominia et castra intromittant, absque omni impedimento et lesione rerum et personarum, tociens quociens fuerit oportunum, ut in prosecucione huiusmodi redderentur certiores. Racionabile arbitramur, ut aliquem aut aliquos vestre fraternitatis fideles personaliter premittat, qui viam, aditum, ingressum et regressum nostris belligeris ad prefatas civitates, opida, villas, castra et loca preparent, demulcendo animos subiectorum vestrorum, quos regressus ducis predicti ad Bohemiam, ut non dubitamus, perturbavit. Quemadmodum in nobis huiusmodi perturbacionem experimur, non levi restitucione in pristini solacii amenitatem reducendam. Altissimus dignetur fraternitatem vestram conservare in longitudine dierum pro consolacione nostra speciali. Datum in Zneyna, octava die mensis Julii anno domini MCCCC vigesimo quarto.