108 K HISTORII ŽIDŮ 1435. sy geben dornach alle Jar Jerlich auf Sant Walpurgentag (25. Nov.). Also sullen sie tun alle Jare Jerlich dieweil sy disen brif gebrauchen, vnd domit sullen sy entbrochen sein allerley beswerung, wie sich dy verlauffen mochten vnd des menschlich art erdencken mochte, vnd wir wollen In gnedig sein in allen sachen vnd wollen sie von der Stat wegen halden, das sy von der Stat wegen vnuoderbt bleiben sullen. Auch haben wir In die gnade getan, wer das ir nicht wer hie wund sein dann die ersten zwen oder vier wirtte, so sullen sie nach der verlauffen czeit der dreyhundert guldein, auf sand Walpurgentage an der dreyhundert guldein die sy vorgeben werden alle Jar, nicht mer geben dann Zweyhundert guldein stat als vor geschrieben stet, wer oder daz [...] er wurde wann von vber vier vntz auf czehen die in dem vorgenanten schosz sein sullen, so sullen sie geben die vorgenanten dreyhundert guldein, alle die weil ir vber vier sind, die in den geschos gehoren. Wer auch daz die obge- nanten Juden, Ir kinder, Eydem oder Bruder vber vier genanten wirtt oder fremde vnd freunde vber die genanten czehen wirtt vns den Rat biten eintzunemen, das sal steen an vns vnd der Judischheidt nach mu- glichen sachen, was sy tzu geschos geben sullen, vnd sullen alle ir recht haben als die vorgenanten Juden. Auch haben wir In czugegeben, ab ein Jud oder mer wolt von vns tzihen aws der Stat, dy mugen offenberlich mit ir habe von vns tzihen, die sullen wir lassen geleitten vier mey(len wei)t von uns und In ein gut geleyt geben Jar vnd tag da tzuligen vnd ir schult eintzumanen nach awszsage der Judischeid, die do bleibt, doch also wer allhy bleibt von der Judischeit, ab einer do blibe, der sal vns vnser tzinsz auszrichten die czwey hundert guldein un- uorruklichen dyweil er diesen brief gebrauchen wil wold er ader auch enwek tzihen, so sal er die vorsessen (fälligen) tzinsz geben vnd das Schulhaws, Selhaws vnd freithof sal auch widertreten auf das Rat- haus, inmassen als vor, vnd solde von vns entbrochen sein ader wolt der Jude andere Juden tzu In nemen, die Im hulffen den geschos awsz- richten nach dem als vor geschriben stet, die sullen wir eynnemen in in allermasz als oben geschrieben stet, Sunderlich wir sullen vnd wollen alle stucke vnd artikel ditz briefs stete vnd gantz vnuerruckt halten. Des czu vrkund vnd bekentnuss haben wir vnser Stat Insigel wissentlich lassen hengen an disen vnsern offen brief, der geben ist nach Cristi geburt viertzenhundert Jar darnach in dem Funffvndreissigisten Jare am Suntag Oculi in der vasten. (Orig im Archiv zu Eger.) Dr. J. Simon, Urkundliches Material zur Geschichte der Egerer Judengemeinde. Braun's Monatsschrift für Gesch. u. Wissenschaft des Judentums, Roč. 44.