59 gewunnen oder eingenomen haben. Aber in kürz hat sich er- gangen, daz die Hussen mit vil tawsent mannen, als wir ver- nemen, bis nahent über walt geczogen sein, vnd drew mechtige closter, nemlich Kottischaw, Cladrawn vnd Töppel, vnd auch das Sloss Swannberg gestürmt, gewunnen, verprant vnd gewüst haben. Darauf vns vnser gnedig Herren Herczog Johans vnd Herczog Ott von Peyern vmb hilf verschriben, wan In auch warnung komen. Was sunderlich so hat vns der vorgenant vnser Herre Herczog Ott verschriben und ein abschrift eins briefs, als vnser gnedigister Herre der Römisch oc. Künig seinen gnaden verschriben hett, gesant, der wir ewr frewnt- schaft auch abschrift hierynnen verslossen schicken, darinn Ir dessen vnsers gnedigisten Herren des Künigs meynung wol ver- nemen werdet. Also haben wir etwieuil vnsers greysigen zewgs darczu auszgesant, die noch awszen sein. Nu haben wir ver- nomen, wie die Hussen von der stat Tachaw, die sie belegert hetten, wider hinder sich geruckt sein; wie sich aber die sache daselbs hinfür machen werden, wissen wir noch niht eygen- schaft. Auch tun wir ewer ersamkeit zu wissen, daz vns der vorgenant vnser gnedigister Herre. der Römisch oc. Künig in kürtz verschriben hat, wie er vnser gnedig Herren.. die Kür- fürsten, ander Fürsten, Herren vnd auch Stette zu seinen künig- lichen gnaden, zu vns gen Nürenberg zu komen berüft habe XIIII tag nach Ostern schierist, als Ir das villeicht nu auch wol vernomen mugt haben. Denn wo wir ewer weisheit lieb oder Dienst oc. Datum ut supra (ipsa die Fabiani et Sebastiani). 60. 1421, Jan. 26 (Mies). K. Sigmund an die Breslauer: er habe sich in den Pilsner Kreis begeben, um denselben gegen Zižka zu schützen, werde aber nächstens nach Weis- wasser kommen, wohin er bereits einen Tag angesagt habe : sie sollen ihre Bevollmächtigten gleichfalls dahin senden. (Grünhagen 1. c. n. 27, aus dem Breslauer Archlve.) Unsern und des reychs lieben getrewen burgermeistern und retten unserer stad Breslow. Sigmund von gots gnaden romischer koning, czu alle czyten merer des rychs und czu Ungern, czu Behemen oc. kuning.